ملف عن الحجاب ولفات الطرح بالصور....................

استعرض الموضوع السابق استعرض الموضوع التالي اذهب الى الأسفل

ملف عن الحجاب ولفات الطرح بالصور....................

مُساهمة من طرف سوزى في الأحد يناير 06, 2008 3:31 pm





أغلب البنات النهارده محجبات وأصبح اهتمامهم بالحجاب يوازى أو يفوق اهتمامهم بشعرهم، وأصبح

البديل


للكوافير والبحث عن قصة جديدة أو لون مختلف هو لف الطرحة بألوان زاهية على آخر موضة.. أشكال

ربطات


على هيئة تسريحة شعر "ضفيرة وكحكة"، وأما الأقمشة (دى فيها كلام كتير) "تل" و"شيفون"

"وترتر"،


الصبح والضهر وفى كل وقت...



المعادلة الصعبة فى كل الحاجات دى ازاى أكون محجبة أحترم "حجابى" وفى نفس الوقت شكلى حلو

"ستايل"




على الموضة ومش "مبهرج" ولافت للنظر لدرجة تثير انتقاد الآخرين..



نصائح ذهبية لكل بنت محجبة ازاى تتعامل صح مع الحجاب..


ألوان الموضة فى الإيشاربات ؟



لون الطرحة حسب لون اللبس ولكن اللون البنى هو الأساس السنة دى وبيدخل معاه البرتقالى, التركواز,



الروز, الزيتي بدرجاته, البنى لوحده, البنى المحروق مع البنى العادى موضة جداً واستخدام الألوان


الجديدة



وتداخلها بيعطى نتيجة حلوه جداً..


هل البنى المحروق ممكن "يغمق" البشرة وخاصة إن لوننا خمري أحياناً مائل للاسمرار؟





لا أبداً البنى جميل جداً مع كل ألوان البشرة، على فكرة أنا عندى مبدأ إن كل الألوان تليق على البشرة

السمراء


أو البيضاء بنفس الدرجة، حكاية إن الروز والموف لا تصلح للبشرة السمراء أو الخمرية أو إنه "بيسمر


جداً"



ده كلام مش صحيح، النهارده مافيش لون صريح.. الروز له درجات مختلفة وموجودة فى كل أنواع

المكياج،


كمان الموف, والأخضر.. المهم اختيار الدرجة من اللون القريبة من درجة لون البشرة وأكيد هتكون

مناسبة




ولا تعطى نتيجة عكسية






ازاى تختارى خامة أو قماش الإيشارب صح؟




نوع القماش أو خامة الإيشارب تعتمد على نوع اللبس، كمان فيه أنواع من الأقمشة من المفضل نتجنبها

حتى

لو عجبك لونها أو تطريزها أو نقشتها.. من الأقمشة المزعجة فى لبس الحجاب "الأوراجنزا الهايشة"..

ابعدى


عن الأقمشة "الناشفة" لأنها صعبة فى الربط، خلى عنيكِِ على نوعية الأقمشة الناعمة والأقطان، الحرير و


الحرير على قطن، الشيفونات بأنواعها كلها خامات حلوة جداً ومناسبة وعملية والتل كمان... بأكد إن

الإيشارب



مهم إنه يكون عملى فى اللف، ممكن الإيشارب يكون غالى ووحش فى ربطته وبعد شوية هتكرهى

الإيشارب



وهتركنيه على جنب بعد ما غرمتى ثمنه.


نوعية القماش المناسبة والعملية للبنت فى الجامعة عشان يكون حجابها مريح وفى نفس الوقت شكلها

مش
مبهدل؟



تختار الأقطان والشيفونات المطفية "بدون لمعة".. الأقمشة دى بتستحمل جداً الحركة طول النهار،


فالأقطان



فيها ألوان كثيرة وأشكالها حلوة جداً، والقطن على حرير فيه تطريز خفيف حلو كمان وموضة جداً يكون

فى طرف الإيشارب تطريز أو ترتر بس المهم يكون "Simple" جداً.. عشان الجامعة ممكن تختار

الإيشاربات



الأقطان المخططة أو المنقوشة، فيه مساحة تنوع النهارده وألوان ينفع تدخل مع بعض تعطى شكل جديد

فى كل مرة.


والتطريز البسيط يعطى جمال ورقة




أفكار لحجاب ممكن يناسب لفترة بعد الظهر أو بالليل؟


ممكن تحتفظى بشكل ربطتك اللى بترتاحى معاها والمناسبة لشكل واستدارة الوجه وتستخدمى إكسسوار


مختلف.. حلق كبير، سلسلة فيها دلاية فيها حجر فيروزى، خاتم فضى بفص ملون.. النهارده مافيش لبس


محدد للنهار وآخر لليل، مساحة الحركة تكون إضافة حاجة جديدة للبسك حسب وقت الخروج وطبعاً


المناسب للمكان.



ازاى البنت المحجبة تختار الربطة المناسبة لشكلها؟


لازم تعرف هى بتحب إيه، الربطة التقليدية أو الربطة "الاسبانش" المربوطة "على ورا" عشان تكون


مرتاحة



ومقتنعة بربطة الإيشارب، ولو هى محجبة جديد ماتستعجلش على نفسها "شوية..... شوية" مش معقول


هتقدر تلف الإيشارب زى واحدة متحجبة من زمان.. البنات بتكتئب وبتزعل قوى عشان شكل حجابها

مش "مظبوط" عشان كده لازم المحجبة جديد تلبس فى الأول حجاب ربطته سهلة ولا تستخدم أنواع


ناعمة جداً ممكن تتزحلق بسرعة وتظهر شعرها، ممكن تستخدم الأقطان في البداية لأنها بتثبت، وعشان


تلم شعرها كويس جداً تلبس "بونيه" قطن ولا تظهره، ومهمته مساعدتها فى تثبيت الإيشارب ويمسك


الشعر كله وتختار ربطة


سهلة.


الربطة "الإسبانيش" موضة جداً، ازاى نربطها "صح" خطوة خطوة....؟



أولاً- نلبس بونيه قطن يلم الشعر كويس وبعد كده نجيب طرحة مستطيلة لون تانى، فلو إن البونيه بنى

محروق



تكون الطرحة تركواز تبين جزء من البونيه ونحط الطرحة الثانية بمحاذاة خط البونيه ونربطها على ورا


كويس


جداً وممكن نجيب طرحة تانية شيفون مثلاً وتكون لونها بنى محروق ونربطها فوق التركواز، بعد كده

نبين


جزء منها زى ما عملنا في الخطوة السابقة ونربط كويس جداً، بعد كده نبدأ فى ربط أطراف الطرحتين البنى


والتركواز بحيث ممكن نربط طرف الأولى مع الثانية والعكس، وإنتِ قدام المرايا هتلاقى نفسك بتربطى


الأطراف، وممكن تبتكرى تعملى الأطراف "كحكة" أو تعملى بطرف "كحكة" وتسيبى الطرفين نازلين على


كتفك على حسب ذوق وشكل وجهك.


واليك بالصورة كيفيه ربطها


نصيحتى للف الطرح التقليدية؟



لازم تلبسى بونيه قطن وتحطى الإيشارب على حرف البونيه عشان يختفى وتمسكى الطرف القصير بدبوس



مشبك بالطرف الكبير وتلفى الطرف الطويل حول الرأس وتثبتى بالدبابيس، وبلاش أكتر من إيشارب فى


الأول.. كفاية لفة بسيطة.





ولو عاوزة تدخل ألوان فى اللفة التقليدية؟





زى ما قلنا البونيه وبعد كده الإيشارب على حرف البونيه وبعدها تمسك الطرف القصير بالطرف الطويل عند



الرقبة، وبعد كده الإيشارب الثانى بعده بمسافة من الأول وتمسك أطرافه وتلف طرف الأولى وطرف الثانية في



اتجاه واحد بشرط طرف يظهر لونه قبل الثانى، أو تحط الطرفين فوق بعض وتلفهم مرة واحدة وتحط دبابيس




للتثبيت.



ممكن تلبس "بندانا" وتلف الطرحة، ونصيحتى بلاش وضع شريط بلاستيك فى مقدمة الطرحة.. ممكن


تستخدمى "اسبراي نشا مخصوص للمكوى"، عشان تنشى الطرحة.



إيه رأيك في إضافة الضفيرة من قماش وعمل "الكحكة" بالربطة "الإسبانيش"؟




بصراحة لا أفضل الإضافات الكثيرة للحجاب طالما اخترتِ الحجاب عن قناعة لازم تكونى محتشمة وبسيطة فى




نفس الوقت... لازم تتعاملى مع الحجاب وكأنه شعرك وتحبيه عشان شكلك يكون حلو فيه ولما توصلى للدرجة


دي أكيد هتبتكرى في الربطات أكثر




نصيحتى للعروسة المحجبة؟


تبحث عن لون مناسب لبشرتها يبرز جمال لونها تفكر فى موديل مناسب لجسمها وتفكر ازاى يكون شكلها




مختلف وجديد، ومش شرط إن موديل أو ربطة عجبتك إنها ممكن تنفع معاك أو تليق عليك، وكمان تختار حد



يساعدها فى ربط الطرحة لأنه متخصص وبيتحكم أكثر فى الربط وله خبرة فى ابتكار ربطات جديدة.


عدل سابقا من قبل سوزى في الأربعاء مايو 28, 2008 4:06 pm عدل 1 مرات

_________________
سبحان الله وبحمده
سبحان الله العظيم

سوزى
مشرف عام المنتدي
مشرف عام المنتدي

انثى عدد الرسائل : 1818
الموقع : http://moheey.goodforum.net/index.htm
العمل/الترفيه : محاسبة_ الكمبيوتر والقراءة
تاريخ التسجيل : 23/12/2007

معاينة صفحة البيانات الشخصي للعضو

الرجوع الى أعلى الصفحة اذهب الى الأسفل

رد: ملف عن الحجاب ولفات الطرح بالصور....................

مُساهمة من طرف محي الدين في السبت يناير 19, 2008 1:34 pm

جزاك الله كل خير علي الموضوع هذا اللهم اهدي بنات المسلمين للحجاب يا رب العالمين

محي الدين
Admin
Admin

ذكر عدد الرسائل : 1437
العمل/الترفيه : الانترنت
المزاج : ذكر الله تعالي
تاريخ التسجيل : 19/12/2007

معاينة صفحة البيانات الشخصي للعضو http://moheey.goodforum.net

الرجوع الى أعلى الصفحة اذهب الى الأسفل

استعرض الموضوع السابق استعرض الموضوع التالي الرجوع الى أعلى الصفحة


 
صلاحيات هذا المنتدى:
لاتستطيع الرد على المواضيع في هذا المنتدى